2018-ci il oktyabrın 8-də Xəzər Universiteti Karyera Mərkəzi universitetin tələbələri üçün “Xaricdə təqaüdlə təhsil almaq”la bağlı təlim həyata keçirdi. Təlimi Xəzər Universiteti Karyera Mərkəzinin meneceri Səbinə Allahverənova təşkil etmişdi. Təlimdə müxtəlif fakültələrin tələbələri iştirak edirdilər. Təlimdə onlara ümumi təqaüd proqramları və universitetlərə müraciətlə bağlı hazırlamalı olduqları sənədlər və tədqiqat strategiyaları ilə bağlı məlumat verildi. Təlimin əsas məqsədi, xaricdə təhsilini davam etdirmək istəyən tələbələri dəstəkləyərək, onların karyera planlarını müəyyənləşdirmək idi.
Bir saat yarım davam edən təlimdə iştirakçılar onları maraqlandıran suallara cavab tapdılar.