2018-ci il sentyabrın 27-də Xəzər Universiteti İnkişaf Mərkəzi “Azərbaycan Universitetlərində Tədris və Təlimin Təkmilləşdirilməsi” (PETRA) adlı ERASMUS+ layihəsi çərçivəsində Azərbaycandan olan tərəfdaş universitetlərin növbəti görüşünü keçirdi. Görüş zamanı indiyə qədər layihədə həyata keçirilmiş fəaliyyətlər və layihə qarşısında duran məsələlər, həmçinin universitetdə təlim və tədrisin keçirilməsi qaydalarının hazırlanması müzakirə edilmişdir. Layihənin təmsilçiləri Sumqayıt Dövlət Universiteti, Azərbaycan Dövlət Pedaqoji Universiteti, Bakı Slavyan Universiteti, Azərbaycan Dillər Universiteti və Azərbaycan Universiteti, Xəzər Universitetinin koordinatorluğu ilə, layihənin qarşıda duran məsələləri və noyabr ayında keçiriləcək təlimləri müzakirə etmişdir.