2018-ci il sentyabrın 27-də Türk Tarix Qurumu XVII Türk Tarix Konqresinin məruzələr kitabını nəşr etmişdir. Kitabda Xəzər Universiteti Tarix və arxeologiya departamentinin müəllimi Araz Aslanlının həmmüəllifi olduğu məqalə də yer almışdır. Araz Aslanlının İzmirdəki 9 Eylül Universitetinin müəllimi Vefa Kurban ilə birgə yazdığı “Mustafa Kamalın vəfatı Azərbaycan mətbuatında” adı məqalədə əvvəlcə həmin dövrdəki Sovet-Türk münasibətləri qısaca təhlil edilmişdir. Daha sonra isə Azərbaycanda nəşr olunan qəzetlərin Türkiyə Cümhuriyyətinin qurucusu Mustafa Kamal Atatürkün vəfatını öz səhifələrində necə əks etdirdikləri araşdırılmışdır.