2018-ci il sentyabrın 28-də Xəzər Universiteti İnkişaf Mərkəzinin təşkilatçılığı ilə Erasmus+ PAWER layihəsi çərçivəsində universitet departamentlərinin əməkdaşları üçün “Beynəlxalq kredit mübadiləsi və kreditlərin tanınması proseduru” adlı təlim keçirildi.

Təlimin məqsədi Bolonya prosesi, AKTS (ECTS), tələbə/əməkdaş mübadiləsi müqavilələri, mübadilə zamanı və sonrasında dəstək, mübadilə siyasəti və s. daxil olmaqla, tələbələr və işçilərin xarici universitetlərə təhsil mübadiləsinə dair mühüm məsələləri və Xəzər Universitetinin bu prosesdə rolunu və görüləcək işləri çatdırmaqdan ibarət idi. Xəzər Universitetinin müxtəlif fakültələrindən təlimə qatılan əməkdaşlar öz təklif və iradlarını bildirdilər.