2018-ci il sentyabrın 27-28-də Xəzər Universitetinin Dillər və mədəniyyətlər departmentinin müəllimi dosent Elnurə Akif qızı Əzizova Türkiyə Respublikasının Sivas şəhərində Cümhuriyyət Universitetinin təşkilatçılığı ilə keçirilən “Əxilikdə iş və ticarət əxlaqı” (“Ahilikte iş ve ticaret ahlakı”) adlı beynəlxalq simpoziumda iştirak etdi. Dosent Əzizova simpoziumda “Əxilər peyğəmbərlərin mirasçılarıdırlar: Mənşəyin müqəddəsliyi çərçivəsində üxüvvət təşkilatının nəbəvi referansları” adlı məruzə ilə çıxış etdi.
8 ölkədən 40-a yaxın məruzəçi Türk-İslam tarixində sosial, dini və iqtisadi cəhətdən mühüm rolu olmuş “Üxüvvət təşkilatı”nda iş və ticarət əxlaqına dair müxtəlif mövzularla simpoziumda çıxış etmişdir. Simpoziumun elmi heyətinin üzvlərindən olan E.Əzizova moderatoru olduğu panelin sonunda məruzəçilərə sertifikatlarını təqdim etdi.