Xəzər Universitetinin Riyaziyyat departamentinin professoru Nazim Kərimov Azərbaycan Respublikası Təhsil Nazirliyinin təşəkkürnaməsi ilə təltif edilmişdir. Professor Nazim Kərimov “2017-2018-ci tədris ilində keçirilmiş Respublika fənn olimpiadalarında Riyaziyyat fənni üzrə münsiflər heyətinin üzvü olaraq, istedadlı şagirdlərin düzgün seçilməsi sahəsində peşəkarlıq və səriştəlilik nümayiş etdirdiyinə” görə təltif edilmişdir.
Qeyd edək ki, professor Nazim Kərimov Azərbaycanı beynəlxalq riyaziyyat olimpiadasında təmsil edən milli komandanın əsas çalışdırıcısıdır. Bununla yanaşı, o, həmçinin, Xəzər Universitetinin “Dünya” məktəbi ilə şagirdlərin riyaziyyat olimpiadalarına hazırlanması sahəsində fəal iştirak edir, orada olimpiada dərsləri aparır.