2018-ci il iyulun 13-də Xəzər Universitetinin Təhsil fakultəsinin Pedaqogika (tarixi və nəzəriyyəsi) ixtisası üzrə magistratura tələbəsi Aytən Rəşidli “IX sinif Azərbaycan dili (dövlət dili kimi) dərs kitabındakı ədəbi mətnlərin tənqidi düşünmə bacarığı qazandırma baxımından incələnməsi” mövzusunda dissertasiya işini müdafiə etdi.
Müdafiə komissiyasının sədri professor Piralı Əliyev, magistrantın elmi rəhbəri dosent Elza Səmədova, dosent İradə Xəlilova, dosent Dilbər Zeynalova və digərlərinin iştirakı ilə keçən müdafiə iclasında magistrantın çıxışı dinlənildi. O, sualları cavablandırdı və müzakirələr aparıldı. Tədqiqat işinin aktuallığı və lazımi səviyyədə yerinə yetirildiyi nəzərə alınaraq, Aytən Rəşidliyə magistr elmi dərəcəsi verilməsi haqqında qərar qəbul edildi.