2018-ci il iyulun 2-6-da Xəzər Universitetinin müəllim heyəti Lyublyana Universitetinin (Sloveniya) İqtisadiyyat fakültəsinin Erasmus+ Proqramı çərçivəsində təşkil etdiyi Beynəlxalq Heyət Həftəsində iştirak etdi.

Proqram çərçivəsində vörkşoplar, məruzələr, təqdimatlar, kampus turları təşkil edilməklə yanaşı, Lyublyana Universitetinin müxtəlif departamentlərinin nümayəndələri ilə fərdi görüşlər də keçirildi.

Xəzər Universitetinin İqtisadiyyat və menecment fakültəsinin dekanı Dr.Ceyhun Məmmədov, İqtisadiyyat və menecment fakültəsinin dekan müavini Dr.Şəhriyar Muxtarov, Qəbul şöbəsinin müdiri Lamiyə Namazova, Kitabxana-informasiya mərkəzinin Kataloq şöbəsinin müdiri Samirə Orucova, Keyfiyyətin təminatı mərkəzinin assistenti Cəmilə Fərman və Beynəlxalq münasibətlər şöbəsinin direktoru Turan Cəfərova proqramda iştirak etdilər.