Kamal Abdullanın baş redaktor və Əliş Mirzallının redaktorluğu ilə Azərbaycan Dillər Universitetinin nəşr etdiyi ilk Azərbaycan Tərcümə Ensiklopediyasına bir sıra görkəmli peşəkar tərcüməçilər, tərcümə sənəti ilə məşğul olmuş alim və ədəbiyyat xadimləri ilə yanaşı, Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlının və Xəzər Universitetinin İdarəetmə və tələbə işləri üzrə prorektoru Dr. İsaxan İsaxanlının da adları daxil edilmişdir. Professor Hamlet İsaxanlının rus ədəbiyyatından Anna Axmatovanın şeirlər toplusu, Baratinski, Jukovski, Qumilyov, Yesenin, Tutçev, Afanasiy Fet, ingilis ədəbiyyatından Bayron, Herriks, Uilyam Bleykdən seçmə tərcümələri, Dr. İsaxan İsaxanlının isə Blok, Bunin, Lermontov, Puşkin, Tolstoy və Yesenindən seçmə tərcümələrinin siyahısına ensiklopediyada yer verilmişdir.