2018-ci il iyunun 29-da Xəzər Universitetində departament rəhbərləri və potensial tədqiqatçılarla görüş keçirildi. Görüşün məqsədi departamentlərin elmi potensialını gücləndirmək, elmi tədqiqat istiqamətlərini müəyyənləşdirmək yolları, elmi tədqiqat nəticələrinə əsasən departamentlərin və tədqiqatçıların təşviqi strategiyaları haqda təkliflərin verilməsi idi. Görüşü Elmi İşlər üzrə prorektor İradə Xəlilova açaraq, müzakirə olunacaq məsələlər haqqında məlumat verdi. Görüş zamanı o, həmçinin Xəzər Universitetinin tərəfdaş kimi çıxış etdiyi NİZAMİ, PAWER və PETRA layihələri haqqında geniş məlumat verdi.