2018-ci il iyunun 23-də “Hədəf” hazırlıq kursları tərəfindən təşkil olunmuş Azərbaycan universitetləri ilə tanışlıq tədbirində Xəzər Universiteti də iştirak etdi. Xəzər Universitetini Tələbələrin cəlb olunması üzrə işçi qrupun rəhbəri professor Fuat Rəsulov və koordinator Elvin Məmmədov təmsil edirdilər. Təmsilçilər Xəzər Universitetinin stendini quraşdırdılar və universitetin tanıtım broşürlərini, ixtisaslar üzrə bukletləri, eləcə də, təklif olunan güzəştlər və təqaüdlər haqqında məlumatların əks olunduğu materialları valideynlərə və abituriyentlərə təqdim etdilər, onları maraqlandıran sualları ətraflı şəkildə cavablandırdılar.

Tədbir zamanı təxminən 600-650 abituriyent müxtəlif universitetlərin masalarına yaxınlaşaraq, öz suallarını verdilər. Xəzər Universiteti ilə təxminən 75-80 abituriyent və valideyn maraqlandı.