2018-ci il iyunun 25-də Xəzər Universitetində ikinci dəfə TEDxKhazarUniversity keçirildi. Beynəlxalq TED təşkilatının lisenziyası ilə keçirilən bu tədbir Xəzər Universitetində ikinci dəfə qonaq oldu. TEDxKhazarUniversity-nin budəfəki mottosu/şüarı “Ömür boyu sevgi” idi. Bu ümumi başlıq altında 6 məruzəçi –professor İnqilab Əhmədov, dosent İradə Xəlilova, kinorejissor Ayaz Salayev, aktivist Leyla Qasımova, peşəkar kompüter oyunları mütəxəssisi Cəlal Hüseynbəyli bir-birindən maraqlı məruzələr etdilər. Məruzələr yaxın zamanda TED-in platformasında və Youtube kanalında yer alacaq.

Tədbirdə “Titanik” filmindən mahnı ilə Məhsəti Cabbarova, “Tanqo” rəqsi ilə Zaur Ramazanov və Lenay Seyidalizadə cütlüyü və “Santur” ifası ilə Əli Atəfi çıxış etdilər.