2018-ci il iyunun 8-də cari ilin mayın 1-dən 31-dək davam edən Xəzər Universiteti Karyera Mərkəzində Karyera Sərgisinə hazırlıq müddətində könüllü fəaliyyət göstərən tələbələrin Könüllük Proqramının başa çatması ilə əlaqədar yekun görüş keçirildi.

Könüllülərlə keçirilən son görüş zamanı tələbələr təəssüratlarını paylaşaraq, belə tədbirlərdə digər tələbələrin də könüllü olaraq iştirak etməsini tövsiyə etdilər.

Könüllük Proqramında fəal iştirak edən tələbələrə –Toğrul Nəbiyev, Nigar Quliyeva, Aytac Ağayeva, Ziyadxan Tağıyev, Cavid Hüseynli (İqtisadiyyat və menecment fakültəsi); Rəsmin Məsimova (Təhsil fakültəsi); Mustafa Həsənli (Mühəndislik və tətbiqi elmlər fakültəsi) təşəkkür edildi.

Sonda isə Karyera Mərkəzinin meneceri Səbinə Allahverənova könüllülərə bu müddət ərzində vermiş olduqları əməyə görə onlara öz dərin minnətdarlığını bildirdi və sertifikatlarını təqdim etdi.