Xəzər Universiteti İqtisadiyyat və menecment fakültəsinin dekanı Dr. Ceyhun Məmmədov, dekan müavini Dr. Şəhriyar Muxtarov və İqtisadiyyat və menecment departamentinin koordinatoru Dr. Elvin Məmmədovun “Maliyyə artımının enerji istehlakına təsiri: Neft zəngini iqtisadiyyatdan məlumatlar” (“The Impact of Financial Development on Energy Consumption: Evidence from an Oil-Rich Economy”) adlı məqaləsi “Energies” jurnalının 2018-ci il 6-cı sayı, 11-ci buraxılışında nəşr edilmişdir. Sözü gedən jurnal “Web of Science” (SCI impakt Faktor: 2,26) və SCOPUS (Citescore 3,11) kimi nüfuzlu məlumat bazalarında indekslənir.

Məqalədə Azərbaycanda maliyyə inkişafı, iqtisadi artım və enerji istehlakı arasındakı əlaqə kointeqrasiya metodu istifadə edilərək, analiz edilmişdir. Məqalənin nəticələrinə görə, dəyişənlər arasında uzunmüddətli kointeqrasiya əlaqəsi mövcuddur. Bundan əlavə, müəlliflər uzunmüddətli dövrdə maliyyə inkişafı və iqtisadi artımın enerji istehlakına təsirlərinin müsbət və statistik cəhətdən əhəmiyyətli olduğu nəticəsinə gəlmişlər. Tədqiqat nəticələri əsasında, iqtisadi siyasət üzrə qərarvericilər üçün bir sıra təkliflər irəli sürülmüşdür.

Məqaləni bu link vasitəsilə oxumaq olar:

http://www.mdpi.com/1996-1073/11/6/1536.