2018-ci il iyunun 8-də Xəzər Universitetinin Mədəniyyət Mərkəzində Fulbright təqaüdçüsü Wisconsin La-Crosse universitetinin dosenti Robert Jecklinin yolasalma tədbiri keçirildi.

Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı, Elmi işlər üzrə prorektor dosent İradə Xəlilova, baş müəllim Firəngiz Nəsirova və digərləri R.Jecklin-lə olan xatirələrini bölüşərək, onun şəxsi keyfiyyətlərini və peşəkar bacarıqlarını yüksək qiymətləndirdiklərini, işinə olan fədakarlığını təqdir etdiklərini bildirdilər və yeni işlərində uğurlar arzuladılar.

Cənab Jecklin səmimi sözlər və arzulara görə hər kəsə təşəkkür etdi, Xəzər Universiteti kollektivini və tələbələrini səmimi və mehriban insanlar kimi həmişə xatırlayacağını bildirdi.

Bundan sonra xanım Xəlilova Robert Jecklinə həmkarları adından hədiyyələr təqdim etdi.

Tədbirin sonunda cənab Jecklin “Xəzərli”lərlə xatirə şəkli çəkdirdi.