2018-ci il mayın 30-da “Peer to Peer: Facebook Global Digital Challenge” layihəsi çərçivəsində İqtisadiyyat və menecment departamentinin koordinatoru Dr. Bahadır Baysal və Xəzər Universitetinin “THE SAME” komandasının təşkilatçılığı ilə Avropa Parlamentinin simulyasiyası keçirilmişdir. Simulyasiya oyununun əvvəlində Siyasi elmlər və beynəlxalq əlaqələr departamentinin koordinatoru Elmar Mustafayev “Avropa Parlamentində miqrasiya və qaçqınlıq böhranının həlli” adlı mühazirə söyləyib. İkinci sessiyada iştirakçılar dörd siyasi qrupa bölünərək miqrasiya böhranının həlli üzrə öz proqramlarını təqdim etdikdən sonra sualları cavablandırdılar.

Simulyasiya oyununun sonunda tələbələr “THE SAME” komandasının sertifikatı ilə təltif edildilər.