2018-ci il mayın 19-dan 23-dək Xəzər Universitetinin şəhər mərkəzində yerləşən binasında ingilis dili üzrə “Foundations” təhsili alan tələbələr müzakirələr keçirdilər. Müzakirədə universitetin əksər fakültələrindən tələbələr iştirak etdilər və müzakirə üçün bir çox mövzular təklif etdilər ki, bu da onları müzakirələrə daha fəal olmağa sövq etdi. Müzakirələrdə tələbələr auditoriya qarşısında sərbəst çıxış etmək, tənqidi fikir söyləmək və inandırıcı arqumentlərdən istifadə etmək imkanı əldə etdilər. Müzakirə iştirakçılarına nə çap materiallarından və də innovativ resurslardan istifadə etməyə icazə verilmirdi. İngilis dili müəllimləri isə prosesi müşahidə etdilər və çoxsaylı tələbələrin müzakirələrdə iştirakını təmin etdilər.

Tələbələr bu mövzular ətrafında müzakirə apardılar:

İnkişaf hər zaman yaxşıdırmı?

Pul bütün pisliklərin mənbəyidirmi?

Kompüterlər müəllimləri əvəz edə bilərmi?

Şəhərdə (və ya kənddə) yaşamaq daha yaxşıdırmı?

Nə daha önəmlidir: sevgi, yoxsa pul?