2018-ci il mayın 23-də Xəzər Universiteti Humanitar və sosial elmlər fakültəsi İngilis dili və ədəbiyyatı departamentinin müəllimi Lidiya Həmidovanın 65 illik yubiley tədbiri keçirildi. Tədbirdə fakültə müəllimləri ilə yanaşı, rəhbər işçilər də iştitrak edirdilər. İlk olaraq, fakültənin dekanı dosent Cabir Xəlilov yubilyarı təbrik etdi və ona pedaqoji fəaliyyətində yeni-yeni uğurlar arzuladığını bildirdi. Daha sonra universitetin tədris işləri üzrə prorektoru Məhəmməd Nuriyev, Tarix və arxeologiya departamentinin rəhbəri Roza Arazova, İngilis dili departamentinin baş müəllimi Firəngiz Nəsirova, məzunlarla iş üzrə koordinator Baba Bayramlı və başqaları söz alaraq Lidiya xanıma ürək sözlərini bildirdilər.

Sonda yubilyar belə bir tədbirin təşkilinə və xoş sözlərə görə iştirakçılara öz dərin minnətdarlığını bildirdi.