2018-ci il mayın 18-də Xəzər Universiteti Tarix və arxeologiya departamentinin təşkilatçılığı ilə tarix ixtisasının tələbələri Azərbaycan Xalq Cümhuriyyətinin 100 illiyi ilə əlaqədar Novxanıda Məhəmməd Əmin Rəsulzadənin evini ziyarət etdilər. Ziyarətdə Tarix və arxeologiya departamentinin müdiri Roza Arazova, assistenti Akifə Cəfərli, Təhsil fakültəsinin dekan müavinləri Zərifə Əliyeva və Aygün Verdiyeva iştirak edirdilər. Öncə M.Ə.Rəsulzadənin heykəli qarşısında tələbələr və əməkdaşlar qərənfillər qoydular. Daha sonra isə M.Ə.Rəsulzadənin dünyaya göz açdığı evini (hazırda uşaq bağçası kimi fəaliyyət göstərir) ziyarət etdilər. Geri qayıdarkən, Roza xanım tələbələrə Azərbaycan Xalq Cümhuriyyətinin 100 illiyi ilə əlaqədar kiçik bir tarix yarışı keçirdi.