Mayın 2-12-də Tehranda keçirilmiş 31-ci Tehran Beynəlxalq Kitab Sərgisində İranın Azər-Türk nəşriyyatı da öz pavilyonu ilə iştirak etmişdir. Eynullah Şərifpurun başçılığı ilə pavilyonda nəşriyyatın çap etdiyi kitablar nümayiş etdirilmiş və satılmışdır.
Sərgidə Xəzər Universitetinin təsisçisi, Direktorlar və Qəyyumlar Şurasınnı sədri professor Hamlet İsaxanlının tərtibçisi olduğu “Azərbaycan sevgi poeziyası” kitabının 2015-ci ildə İranda Azər-Türk nəşriyyatı tərəfindən “Azərbaycan sevgi şeirləri” adı ilə çap olunmuş nüsxələri də nümayiş etdirilmişdir. 296 səhifəlik kitab min nüsxə tirajla buraxılmışdır.
Qeyd edək ki, professor Hamlet İsaxanlının tərtib etdiyi üç cildlik “Azərbaycan sevgi poeziyası” kitabı 2008-2009-cu illərdə Xəzər Universitetinin Nəşriyyatında çapdan çıxıb.
2014-cü ildə fəaliyyətə başlamış Azər-Türk nəşriyyatı indiyədək İsmayıl Şıxlı, Ramiz Rövşən, Yusif Vəzir Çəmənzəminli, Məmməd Səid Ordubadi, Söhrab Tahir, Səid Qurban, Molla Pənah Vaqif, Məmməd Araz kimi ədiblərin əsərlərini də nəşr edib. Azər-Türk nəşriyyatı bu ilin fevral ayında İranın Qum şəhərində keçirilmiş kitab sərgisində də öz pavilyonu ilə iştirak etmişdi.
Bu barədə məlumatı aşağıdakı linklərdə oxumaq olar: