2018-ci il mayın 21-də Xəzər Universitetinin Tələbələrin cəlb olunması üzrə işçi qrupun rəhbəri professor Fuat Rəsulov və İnsan Resursları meneceri Özal Məmmədli Avropa-Azərbaycan məktəbinin kampusunda Xəzər Universitetini tanıtmaq məqsədilə görüş keçirdilər. Bu görüşdə əsasən 10-cu sinif şagirdləri iştirak edirdilər. Şagirdlərlə görüşdən əvvəl məktəbin Universitet işləri üzrə məsləhətçisi Lalə Rüstamova və Humanitar departamentinin koordinatoru Namiq Məmmədovla qısa görüş baş tutdu. Görüşdə səfərin məqsədləri və şagirdlərə çatdırılacaq məlumat haqda qısa olaraq danışıldı, onlara universitetin reklam bukletləri, kataloqu və s. sənədlər təqdim olundu.
Avropa-Azərbaycan məktəbinin İB proqramı üzrə təhsil alan şagirdləri ilə görüş zamanı ilk növbədə Xəzər Universiteti barədə videoçarx göstərildi. Sonra isə görüş ingilis dilində gerçəkləşdi, şagirdlərə universitetin imkanları və üstünlükləri barəsində təqdimat edildi.
Görüşün sonunda şagirdlərin sualları cavablandırıldı. Universitetin reklam bukletləri və suvenirlər onlara təqdim olundu.