2018-ci il mayın 11-də Xəzər Universiteti Mühəndislik və tətbiqi elmlər fakültəsinin 3-cü kurs kompüter elmləri və kompüter mühəndisliyi ixtisası üzrə təhsil alan tələbələri üçün “Karyeranı AzəriKard ilə başla” adlı seminar keçirildi. Seminarda AzərKard şirkətinin əməkdaşları Müştərilərlə əlaqələr və biznesin inkişafı departamentinin direktoru Cahangir Məmmədov və İnsan Resursları üzrə menecer Elnarə Novruzova təqdimat ilə çıxış etdilər. C.Məmmədov təqdimatında şirkətin strukturu, həyata keçirdiyi layihələr, əməkdaşlıq etdikləri qurumlar və şirkətdə karyera, təcrübə imkanları haqqında məlumat verdi.
Seminarda İnformasiya Texnologiyaları Şöbəsinin müdiri Fərid Musayev, Mühəndislik və tətbiqi elmlər fakültəsinin dekan müavini Dr. Fəxrəndə Əlimərdanova və Karyera Mərkəzinin meneceri Səbinə Allahverənova da iştirak edirdi.
Sonda şirkətin nümayəndələri tələbəri maraqlandıran sualları cavablandırdılar.