Xəbər verdiyimiz kimi, aprelin 20-də Xəzər Universitetinin Mərkəz kampusundakı “Dünya” konsert salonunda universitetin təsisçisi, Direktorlar və Qəyyumlar Şurasının sədri professor Hamlet İsaxanlının 70 illik yubileyinə həsr olunmuş “Xəzər”in sorağında” adlı ədəbi-bədii kompozisiyadan ibarət tədbir və aprelin 20-21-də Neftçilər kampusunda I Qloballaşan Təhsil Beynəlxalq Simpoziumu keçirilmişdi.

Aprelin 25-də professor Hamlet İsaxanlı tədbirlərin təşkilatçıları və ədəbi-bədii kompozisiyanın iştirakçılarının bir qrupu ilə görüşərək, onlara Xəzər Universitetinin təşəkkürnamələrini təqdim etmişdir.

Ümumilikdə “Xəzər”in sorağında” adlı ədəbi-bədii tədbirin və I Qloballaşan Təhsil Beynəlxalq Simpoziumunun təşkilində və keçirilməsində fəal iştiraklarına görə universitetin prorektoru İsaxan İsaxanlı, Təhsil fakültəsinin dekanı Elza Səmədova, Keyfiyyətin təminatı mərkəzinin direktoru Lyudmila Sotova və assistenti Cəmilə Fərman, İnkişaf Mərkəzinin direktoru Raziyə İsayeva, Multimedia mərkəzinin direktoru Natella Barkaya, Təhsil departamentinin koordinatoru Qoşqar Məhərrəmov, İngili dili və ədəbiyyatı departamentinin müdir müavini Eynur Mehdiyev, universitetin müəllimi Mail Yaqub, Kitabxana - informasiya mərkəzinin əməkdaşı Günel Nərimanova, Ümumi şöbənin koordinatoru Sevinc Məmmədli, “Dünya” məktəbinin rəssamı Mir Rafiq Əbdülrəhimov, AzTV-nin əməkdaşı Faizə Mehdiyeva, İctimai TV-nin aparıcısı Məhəmmədəli Ələkbərov, Azərbaycan Dövlət Gənc Tamaşaçılar Teatrının aktyoru Təbriz Əmrahlı və aktyor Nicat Əli təşəkkürnamə ilə təltif olunublar.