2018-ci il mayın 7-də Xəzər Universitetinin Tarix və arxeologiya departamentinin təşkilatçılığı və departamentin müəllimi Samirə Qarayeva, departament assistenti Akifə Cəfərli və Təhsil fakültəsinin dekan müavini Aygün Verdiyevanın rəhbərliyi ilə birinci il tarix müəllimiyi ixtisasının tələbələri Qala Arxeoloji-Etnoqrafik Muzey Kompleksində ekskursiyada oldular. Muzey bələdçisi tələbələrə maraqlı məlumatlar verdi.

İlk dəfə muzeydə olan tələbələr əvvəlcə açıq səma altında yerləşən muzeyi gəzdilər və buradakı eksponatlarla tanış oldular.