Aprelin 30-da Xəzər Universiteti Ombudsman mərkəzinin aprelin 13-dən 27-dək tələbələr arasında keçirdiyi anonim sorğunun yekunlaşması ilə əlaqədar sorğu qutuları İnkişaf mərkəzində dekanlıqların nümayəndələri və inzibati işçilərin iştirakı ilə açıldı və nəticələr protokollaşdırıldı. Nəticələr haqqında məlumat universitet rəhbərliyinə təqdim olundu.

Sorğunun əsas məqsədi tələbələrin tədris prosesi zamanı qarşılaşdıqları mənfi hallarla bağlı şikayət və iradlarını öyrənərək, lazımi tədbirlərin həyata keçirilməsi üçün universitet rəhbərliyinə təqdim etməkdir.

Qeyd edək ki, “Advocacy Establishment for Students through Ombudsman Position” (AESOP) Erasmus+ layihəsi çərçivəsində Xəzər Universitetində 7 fevral 2018-ci il tarixində Ombudsman Ofisi yaradılmış və 9 fevral tarixində isə rektorun əmri ilə Rima Məmmədova ombudsman təyin olunmuşdur.