2018-ci il mayın 2-də Meksikanın Azərbaycandakı Fövqəladə və Səlahiyyətli səfiri cənab Rodrigo Labardini Xəzər Universitetinin tələbələri üçün mühazirə keçdi. Universitetin Siyasi elm və beynəlxalq münasibətlər departamentinin təşkil etdiyi “Meksikanın xarici siyasət prioritetləri və Azərbaycanla qarşılıqlı münasibətləri” adlı xüsusi mühazirə departamentin koordinatoru Elmar Mustafayevin moderatorluğu ilə baş tutdu. Səfir mühazirəsində Meksika dövlətinin siyasi, iqtisadi, mədəni kontekstindən, ölkənin Azərbaycanla iqtisadi və ticarət əlaqələrinin dinamikasından danışdı.
Mühazirənin sonunda cənab Labardini auditoriyanı maraqlandıran sualları cavablandırdı.