2018-ci il aprelin 27-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı NASA-nın keçmiş əməkdaşı, hazırda “Mersedes-Benz” şirkətinin əməkdaşı, aerokosmik mühəndis, riyaziyyatçı, robotlaşdırma və avtomatlaşdırma üzrə mütəxəssis və sahibkar Dr. Teymur Sadıxovu qəbul etdi. Qəbul zamanı Xəzər Universiteti ilə gələcək plan və fəaliyyətlər müzakirə edildi.
Daha sonra Psixologiya departamentinin müəllimi Nilufər Əlizadənin təşkilatçılığı ilə Teymur Sadıxov Xəzər Universitetinin əməkdaşları və tələbələri üçün “Avtomatlaşdırma, robotlaşdırma və suni intellekt” mövzusunda seminar keçirdi.
Seminarın sonunda T.Sadıxov çoxsaylı sualları cavablandırdı.