Xəzər Universiteti Neft-qaz mühəndisliyi departamentinin müdiri dosent Qəşəm Zeynalovun “Şərqi Azərbaycanın struktur-geoloji xüsusiyyətləri və onun qumdaşı laylarının kollektorluq xassələrinə təsiri” adlı məqaləsinin genişləndirilmiş tezisləri geologiya və geofizika üzrə Avropanın ən nüfuzlu konfransı sayılan Avropa Yer elmləri və Mühəndisləri Assosiasiyasının (European Association of Geoscientists and Engineers (EAGE)) 2018-ci il iyunun 11-dən 14-dək Danimarkanın Kopenhagen şəhərində keçiriləcək 80-ci İllik Konfransı və Sərgisinə məruzə üçün qəbul edilmişdir. Bununla əlaqədar olaraq, dosent Qəşəm Zeynalov konfransda məruzə ilə çıxış edəcək və həmin məruzənin materialları EAGE-nin 80-ci İllik Konfransının materialları kitabında məqalə kimi nəşr ediləcək.