2018-ci il aprelin 20-də Xəzər Universitetinin Tələbələrin cəlb olunması üzrə işçi qrupun rəhbəri professor Fuat Rəsulov və İnsan resursları şöbəsinin əməkdaşı Özal Məmmədli Bakı “İstək” litseyinin əsas binasında Xəzər Universitetini tanıtmaq məqsədilə görüş keçirdilər.

Görüşdə “İstək” litseyinin İB, A-Level və AP proqramları üzrə təhsil alan şagirdləri iştirak etdirdilər. Görüş həm ingilis dilində (Özal Məmmədli), həm də Azərbaycan dilində (Fuat Rəsulov) baş tutdu. Şagirdlərə universitetin reklam bukletləri paylanıldı. “İstək” litseyinin rəhbərliyi Xəzər Universitetindən fizika, kimya və riyaziyyat fənlər üzrə “açıq dərs” təşkil etməyi xahiş etdi.

Görüşün sonunda şagirdlərin sualları cavablandırıldı.

Həmin gün saat 16:30 radələrində “İstək” litseyinin Quba filialının şagirdləri Xəzər Universitetini ziyarət etdilər. Əvvəlcə, Özal Məmmədli şagirdlərə universitetin kampusunu gəzdirdi, sonra isə qonaqlar Fuat Rəsulovun hazırladığı təqdimatı dinlədilər.

Tədbirin sonunda şagirdlərin sualları cavablandırıldı və universitetin bukletləri onlara təqdim olundu.

Qonaqlar təşəkkürlərini bildirdilər və digər universitetlərdən fərqli olaraq, Xəzər Universitetindəki görüşün çox səmimi olduğunu qeyd etdilər.