2018-ci il aprelin 23-də Xəzər Universiteti Tarix və arxeologiya departamentinin müəllimi Səbuhi Əhmədov Təhsil fakültəsinin tələbələri ilə növbəti “Azərbaycan tarixi” dərsini Milli Azərbaycan Tarixi Muzeyində keçirdi. Tələbələr “Azərbaycan Şirvanşahlar dövləti” ilə tanış oldular. Onlara dövlətin Azərbaycan tarixində tutduğu yer, oynadığı rol haqqında ətraflı məlumat verildi, dövlətlə bağlı eksponatlar nümayiş etdirildi. Daha sonra universitetin tələbəsi Zöhrə Xəlilova Azərbaycanın görkəmli sənayeçi və xeyriyyəçisi Hacı Zeynalabdin Tağıyevə həsr olunmuş prezentasiya ilə çıxış etdi.
Dərsin sonunda Səbuhi Əhmədov tələbələrin suallarını cavablandırdı.