2018-ci il aprelin 18-i və 19-da Xəzər Universitetində ERASMUS+ layihəsi çərçivəsində növbəti idarəetmə görüşü baş tutdu.

Tədbirdə Azərbaycandan Xəzər Universiteti, Naxçıvan Dövlət Universiteti, Gəncə Dövlət Universiteti, Sumqayıt Dövlət Universiteti, Bakı Slavyan Universiteti, Azərbaycan Dillər Universiteti, Azərbaycan Dövlət Pedaqoji Universiteti, Azərbaycan Universiteti, Avropa ölkəllərindən Qazi Universiteti (Türkiyə), Debrecen Universiteti (Macarıstan), Valensiya Politexnik Universiteti (İspaniya), Vyana Tətbiqi Elmlər Universiteti (Avstriya), Jyväskylä Universiteti (Finlandiya) olan tərəfdaş universitetlərin 30-a yaxın nümayəndəsi iştirak edirdi.

2 günlük görüşdə layihənin gedişi, indiyə qədər görülən işlər, layihə çərçivəsində Azərbaycan universitetlərində Təlim və Tədris Mərkəzinin (Teaching and Learning Centre) yaradılması, layihə çərçivəsindəki konfranslar və görüləcək işlər haqqında müzakirələr aparıldı.

Layihənin avropalı tərəfdaşları 2018-ci il aprelin 20-si və 21-də Xəzər Universitetində keçiriləcək “Qloballaşan Təhsil” I Beynəlxalq Təhsil Elmləri konfransında məruzələr edəcəklər.