2018-ci il aprelin 13-də Türkiyənin Artvin Çoruh Universitetinin nümayəndələri ilə Xəzər Universitetində görüş keçirildi.

Xəzər Universitetindən rektor Dr. Hassan Niknafs və Beynəlxalq əlaqələr şöbəsinin koordinatoru Günay Fərzəliyeva görüşdə iştirak edirdilər. Artvin Çoruh Universitetini isə Beynəlxalq Əlaqələr Tədqiqat və Tətbiq Mərkəzinin mütəxəssisi Hakan Gültekin təmsil edirdi.

Görüş zamanı hər iki universitet arasında tələbə və akademik heyət mübadiləsi, Erasmus+ və Mevlana Mübadilə Proqramı və tədqiqat sahəsində əməkdaşlıq imkanları müzakirə edildi. Gələcək əməkdaşlığın əsasını qoymaq və ortaq maraq doğuran sahələrdə birgə işlər görmək üçün anlaşma memorandumunun imzalanması razılaşdırıldı.

Görüşün sonunda hər iki universitetin təbliğat materialları təqdim olundu.