Aprelin 12-də Xəzər Universitetində PETRA Erasmus+ layihəsi çərçivəsində “Təlim və tədris strategiyasının təkmilləşdirilməsi” mövzusunda seminar keçirildi. 7 ali təhsil müəssisəsindən (Xəzər Universiteti, Azərbaycan Dillər Universiteti, Azərbaycan Universiteti, Azərbaycan Dövlət Pedaqoji Universiteti, Naxçıvan Dövlət Universiteti, Bakı Slavyan Universiteti və Naxçıvan Dövlət Universiteti) olan iştirakçılar təlim və tədris strategiyası üzrə təqdimatlarla çıxış etdilər və təqdimatlar əsasında müzakirələr keçirildi.
Təhsil Nazirliyinin nümayəndəsi Vüsalə Qurbanovanın iştirakı ilə layihə çərçivəsində nəzərdə tutulan planlar və ali təhsil müəssisələrində bu layihənin icrasından irəli gələn çətinliklərin aradan qaldırılması yolları müzakirə olundu.