2018-ci il aprelin 4-də Xəzər Universitetində İctimai əlaqələr və media üzrə direktor, Nizam intizam komissiyasının sədri Əlövsət Əmirbəyli tərəfindən imtahan nəzarətçiləri üçün treyninq təşkil edildi. Treyninq zamanı Xəzər Universitetinin Elmi-İnzibati Şurası tərəfindən təsdiq olunmuş “İmtahan Qaydaları”nın bütün müddəaları müzakirə edildi. Əsasnamənin imtahana hazırlıq mərhələsi, imtahan materiallarının hazırlanması, qiymətləndirmə prosesi, tapşırıqların hazırlanması, imtahanda iştirak, nəzarətçilərin səlahiyyətləri, baş nəzarətçi və nəzarətçilərin vəzifələri, imtahanın gedişi, imtahanın nəticələrinə etiraz, tamamlama imtahanları və digər əhəmiyyət kəsb edən maddələr haqqında imtahan nəzarətçilərinə geniş məlumat verildi. “İmtahan Qaydaları”nın bir sıra maddələri geniş müzakirəyə səbəb oldu. Sonda imtahanlarda nəzarətçi olacaq şəxslərin bütün sualları cavablandırıldı.

Treyninqdə bütün fakültələrdən nəzarətçilər iştirak edirdilər.