Xəzər Universitetinin Təhsil departamentinin koordinatoru Qoşqar Məhərrəmov, universitetin əməkdaşları Ülkər Bayramova və Turan Cəfərova ilə birgə Xəzər Universitetində dünya brendi olan TEDx-in növbəti tədbirinin keçirilməsi üçün lisenziya əldə etdilər.

Qeyd edək ki, bu lisenziya üçün yazışmalar 4 ay idi ki, davam edirdi. Lisenziya TEDx məruzələrinin ideyalarının təqdim olunması və bu ideyaların qlobal və lokal faydalar yaratması fikrini müdafiə etməklə əldə olunur. Bununla yanaşı, TEDx lisenziyasının şərtlərinin də yerində olması lisenziyanın verilməsi üçün əsas amillərdən sayılır. TEDx tədbiri 2018-ci ilin iyun ayına planlaşdırılır.