2018-ci il martın 29-da “Advocacy Establishment for Students through Ombudsman Position” (AESOP) Erasmus+ layihəsi çərçivəsində Ombudsman Mərkəzinin təşəbbüsü ilə Xəzər Universitetinin əməkdaşlarına təlim keçirildi. Təlimin əsas məqsədi universitet əməkdaşlarını universitetin strukturu, fakültələrin və departamentlərin vəzifələri, nizam-intizam qaydaları, tələbələrin hüquq və öhdəlikləri və s. haqqında ətraflı məlumatlandırmaq idi.
Bununla yanaşı, tədbir zamanı AESOP layihəsi və yeni yaradılmış “Ombudsman Mərkəzi” haqqında da məlumat verildi. Təlimdə 36 nəfər əməkdaş iştirak etdirdi. Təlim zamanı iştirakçılar qarşılıqlı müzakirələr etdilər və öz təkliflərini irəli sürdülər.
Qeyd edək ki, “Advocacy Establishment for Students through Ombudsman Position” (AESOP) Erasmus+ layihəsi çərçivəsində 2018-ci ilin fevralın 7-də Xəzər Universitetində Ombudsman Mərkəzi yaradılmışdır.