2018-ci il martın 31-də Bakıda KUNİB – Kafkas Universiteler Birliyinin təhsil sərgisi keçirildi. Sərgidə Türkiyə universitetlərini təmsil edən qonaqlar Xəzər Universitetini ziyarət etdilər. Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı dəyirmi masa ətrafında qonaqları səmimi salamladı. KUNİB başqanı Ramazan Korkmaz, Yıldırım Beyazit Universitetinin rektoru professor Metin Doğan, İstanbul Gedik Universitetinin rektoru professor Zafer Utlu, Nevşehir Hacı Bektaş Veli Universitetinin rektoru professor Mazhar Bağlı, Kastamonu Universitetinin rektoru professor Seyit Aydın, Maltepe Universitetinin rektoru professor Belma Akşit, Erciyes Universitetinin prorektoru professor Mustafa Kamal Apalak, Başkent Universitetinin prorektoru professor Nermin Özgülbaş, Yunus Emre İnstitutu başkanı Cihan Özdemir, Kars Kafkas Universiteti bölüm başqanı professor Hacalı Nəcəfoğlu, Odlar Yurdu Universitetinin prorektoru Ceyhun Osmanlı və digər qonaqlar universitetləri haqqında məlumat verdilər. Təhsil fakültəsinin dekanı Elza Səmədova Xəzər Universiteti haqqında qonaqlara görüntülü məlumat verdi. Görüşdə Xəzər Universitetinin rektoru Hassan Niknafs, Akademik işlər üzrə prorektor Məhəmməd Nuriyev, İdarəetmə və tələbə işləri üzrə prorektor İsaxan İsaxanlı, Elmi işlər üzrə prorektor İradə Xəlilova, Humanitar və sosial elmlər fakültəsinin dekanı Cabir Xəlilov, Təhsil fakültəsinin dekanı Elza Səmədova, İctimai əlaqələr və media üzrə direktor Əlövsət Əmirbəyli, İnkişaf Mərkəzinin direktoru Raziyə İsayeva, Keyfiyyətin Təminatı Mərkəzinin direktoru Lyudmila Sotova və digərləri iştirak etdilər. Qonaqların şərəfinə böyük ziyafət verildi.