2018-ci il martın 30-da “Gənc Xəzər mühəndisləri” (CES) İctimai Birliyinin Universitetlərarası “2D: Düşün və Dizayn et” lahiyəsinin yekun mərhələsi Xəzər Universitetində keçirildi. Müsabiqənin nəticəsinə əsasən, Xəzər Universiteti Mühəndislik və tətbiqi elmlər fakültəsinin tələbələri – Rəvan Xəlilli (İnşaat mühəndisliyi), Xeyrulla Əmirov (Mexanika mühəndisliyi), İsmayıl Ağayev (Kimya mühəndisliyi), Adil Babayev (Elektronika mühəndisliyi), Bəhruz Ağayev (Kompüter mühəndisliyi) 1-ci yer tutdular. Ali təhsil müəssisələrində mühəndislik ixtisasları üzrə təhsil alan tələbələr arasında həyata keçirilən bu müsabiqənin əsas məqsədi gənclərin mühəndisliyə olan marağını artırmaq, eyni zamanda, onlarda mühəndislik üzrə bacarıq və ideyalara təkan vermək idi.

Xəzər Universitetinin rektoru Dr. Hassan Niknafs qalib tələbələrlə görüşərək, onları təbrik etdi və uğurlar arzuladı.

Qeyd edək ki, müsabiqədə Xəzər Universiteti ilə yanaşı, müxtəlif universitetlərdən (BANM, ADNSU, UFAZ, BMU, AZTU, MAA, AZMİU) seçim mərhələsindən keçmiş 10 komanda iştirak edirdi.