Xəzər Universiteti 2017-2018-ci tədris ilinin yaz semestrində dünya universitet gənclərinin təşəbbüsü ilə təşkil olunan “Peer to Peer: Facebook Qlobal Rəqəmsal Çağırışı” beynəlxalq müsabiqəsində iştirak edəcək. Bu, universitetin müsabiqədə dördüncü iştirakı olacaq. Müsabiqədə iştirak edən komandalar öz cəmiyyətlərini narahat edən ekstremizm halları ilə mübarizəyə tövsiyə verən rəqəmsal marketinq kampaniyası hazırlamalı və tətbiq etməlidirlər.
Bu semestrdə Xəzər Universitetini İqtisadiyyat və menecment departamentinin tələbələrindən ibarət “The Same” komandası təmsil edəcək. Komandaya bir koordinator və altı tələbə daxildir: Bahadır Baysal (İqtisadiyyat və menecment departamentinin koordinatoru), Ruslan Osmanlı (Menecment, bakalavr), Sinan Rzayev (Mühasibatlıq və audit, bakalavr), Xəyalə Şıxəliyeva (Mühasibatlıq və audit, bakalavr), Taliyə Hüseynzadə (Maliyyə, bakalavr), Etibar Saatov (Maliyyə, bakalavr) və Aslan İsaxanlı (Menecment, bakalavr).
Komandanın məqsədi irqçiliyin aradan qaldırılması, eləcə də, dini, irqi və milli ayrı-seçkilik aparmadan insanların bir-birinin fikrinə hörmət bəsləməsini təşviq etməkdir. Komanda öz fəaliyyəti ilə irqindən, milli yaxud dini mənsubiyyətindən asılı olmayaraq, bütün insanların bərabər olması faktını göstərməyə çalışacaq.
Komanda və onun fəaliyyəti ilə yaxından tanış olmaq üçün aşağıdakı səhifələrə baxmaq olar:
Veb-sayt: https://thesameaze.wixsite.com/thesame;
Instagram: https://www.instagram.com/thesame.aze/;
Facebook: https://www.facebook.com/thesame.aze/.