2018-ci il martın 16-da Xəzər Universiteti Doktorantura və Magistratura Tələbə Birliyi Novruz bayramı münasibətilə tədbir keçirdi. Tədbirdə çay süfrəsi ətrafında gənc elm adamları həmsöhbət oldular, fikir mübadiləsi etdilər və potensial əməkdaşlıqların doğura biləcəyi uğurlardan bəhs etdilər. Birliyə yeni qoşulan doktorantura tələbələri birliyin fəaliyyətləri ilə tanış olarkən gələcək fəaliyyətlər haqqında söhbət açdılar. Novruz şirniyyatları tədbirə gələn əcnəbi doktorantura tələbələri tərəfindən maraqla qarşılandı və bəyənildi.