2018-ci il martın 28-də Xəzər Universiteti Mühəndislik və tətbiqi elmlər fakültəsinin kimya mühəndisliyi, neft mühəndisliyi ixitisaslarının tələbələri üçün PETRONAS şirkətinin Azərbaycan nümayəndəliyinin təqdimatı keçirildi. Təqdimat PETRONAS şirkətinin kimya mühəndisliyi, neft mühəndisliyi ixitisaslar üzrə təhsil alan tələbələrə təhsillərini Malayziyanın Universiti Teknologi PETRONAS (UTP) universitetində davam etdirmək üçün elan etdiyi tam təqaüd proqramına həsr edilmişdi. Öncə şirkətin nümayəndəsi Aysel Allahverdiyeva şirkət haqqında məlumat verərək, bildirdi ki, PETRONAS dünya neft-qaz şirkəti yarandığı andan dünyanın 35 ölkəsində biznes maraqları ilə, inteqrasiya olunmuş Malaysiyanın beynəlxalq neft-qaz şirkətidir. Sonra isə təqaüd proqramı haqqında tələbələrə geniş məlumat verildi.

Təqdimatın sonunda şirkət nümayəndələri tərəfindən tələbələrin sualları cavablandırıldı.

Qeyd edək ki, şirkət neft-qaz sektorunda geniş sahəli fəaliyyəti ilə fərqlənir. 1975-ci ildən etibarən PETRONAS 36.000-dən çox layiqli və bacarıqlı tələbəyə təhsil potensialını yüksək səviyyədə həyata keçirmək üçün təqaüd təklif etmişdir. Bu tələbələr yüksək performans göstərmək, zehniyyət, güclü liderlik və sərhədləri aşmaq bacarıqları ilə fərqlənmişlər.