2018-ci il martın 13-də Xəzər Universiteti Karyera Mərkəzinin təşəbbüsü ilə “Tərcümə sahəsində karyera” ilə bağlı tələbələrlə dəyirmi masa müzakirəsi keçirildi. Görüşdə bu sahədə 20 ildən artıq peşəkar təcrübəyə malik olan “Şəms” Tərcümə Xidmətləri Mərkəzinin Baş direktoru Nəsimi Həsənov bu sahədə topladığı təcrübəsini tələbələrlə bölüşdü. İlk olaraq, tərcüməçilikdə mövcud olan karyera perspektivləri ilə bağlı geniş məlumat verildi. O, öz yanaşmasında gənclərə real hadisələri nümunə gətirərək, onların gələcək karyeralarında nəzərə almalı olduqları mühüm məqamlardan bəhs etdi, qazanılan dil bacarıqlarının peşəkar bir şəkildə necə istifadə edilməli olduğu ilə bağlı da öz tövsiyələrini verdi. Müzakirələrdə “Şəms” Tərcümə Xidmətləri Mərkəzinin İnspeksiya şöbəsinin rəhbəri Rövşən Ələkbərov da istirak edirdi.

Son olaraq, Nəsimi Həsənov tələbələri maraqlandıran sualları cavablandırdı.