2018-ci il martın 13-də Xəzər Universiteti Mühəndislik və tətbiqi elmlər fakültəsinin birinci il tələbələri ilə fakültənin dekanı Dr.Hassan Niknafsın görüşü keçirildi. Görüş tələbələrin 2017-ci il Payız semestrinin yekun nəticələrinə həsr edilmişdi. Əvvəlcə, Dr.Hassan Niknafs tələbələri Payız semestrində əldə etdikləri nəticələrə görə təbrik etdi və onlara 2018-ci ilin Yaz semestrində də yüksək nəticələrlə davam etmələrini arzu etdi. Sonra semestrin yekun nəticələrinə əsasən Mühəndislik və tətbiqi elmlər fakültəsinin birinci il tələbələri arasında birinci, ikinci və üçüncü nəticə göstərmiş – Sona Əzizovaya (Kompüter elmləri – GPA 97,6), Elnur Vəlixanlıya (Kompüter elmləri – GPA 95,44), Ziya Məmmədova (Kompüter mühəndisliyi – GPA 94,38) sertifikat və hədiyyələr təqdim edildi.
Mühəndislik və tətbiqi elmlər fakültəsinin dekan müavinləri Fəxrəndə Əlimərdanova, Vəfa Aslanova və dekan assistenti Pərvanə Əbdürəhimli də görüşdə iştirak edirdilər.