2018-ci il martın 11-də Xəzər Universitetinin tələbələri – Vurğun Yusubovun rəhbərliyi, Lamiyə Piriyeva, Ayşən Yarıyeva, Şəbnəm Rüstəmli, Sanar Qasımov, Mustafa Həsənli və Azər İsmayılovun təşkilatçılığı ilə “Bir qutu oyuncaq” yardım layihəsi çərçivəsində Binəqədi rayonunda yerləşən Azərbaycan Uşaq Birliyinin Uşaq Sığınacağını ziyarət etdilər. Yardım layihəsi çərçivəsində tələbələr sığınacaqda məskunlaşan uşaqlara və yeniyetmələrə yeni kitablar, geyimlər, oyuncaqlar, qələm-dəftər kimi hədiyyələr verdilər.

Uşaqlar ilə əyləncəli vaxt keçirdiklərini bildirən 15 nəfərlik heyət bu cür ziyarətləri mütəmadi etməyi planlaşdırırlar.