2018-ci il martın 9-da Xəzər Universiteti Karyera Mərkəzinin təşəbbüsü ilə “Enkotek” şirkəti ilə görüş keçirildi. Əvvəlcə, şirkətin Baş direktoru Rüstəm Rüstəmov öz çıxışında tələbələrə şirkətin Azərbaycandakı fəaliyyəti, onun daxili strukturu, proyektləri, təcrübə proqramı və iş imkanları haqqında geniş məlumat verdi. Daha sonra isə şirkətin digər nümayəndəsi Proses departamentinin rəhbəri Murad Məmmədov “Mühəndislik sertifikatı/diplomu” ilə bağlı ümumi məlumat verərək, o sertifikatı qazanmağın üstünlükləri barədə danışdı. Xəzər Universitetinin məzunu və hazırda “Enkotek” şirkətinin əməkdaşı Asif Həsənli çıxışında tələbələrə “Enkotek”də işləməyin müsbət tərəfləri və şirkətin gənclər üçün yaratmış olduğu imkanlar barədə öz təəssüratlarını paylaşdı.

Mühəndislik və tətbiqi elmlər fakültəsinin dekan müavini Fəxrəndə Əlimərdanova da konfransda iştirak edirdi.

Tədbirin sonunda şirkət nümayəndələri iştirakçıların suallarını cavablandırıldı.

Qeyd edək ki, “Enkotek” mühəndislik sahəsində intizam, dizayn mühəndisliyi və məsləhət xidməti verən beynəlxalq şirkətdir.