2018-ci il martın 2-si və 3-də Xəzər Universitetinin potensial tələbələr üzrə işçi qrupun koordinatoru Fuat Rəsulov, İctimai əlaqələr və media üzrə direktor Əlövsət Əmirbəyli və Məzunlarla iş üzrə koordinator Baba Bayramlı Qəbələ, İsmayıllı və Şamaxı şəhərlərində səfərdə oldular. Səfər zamanı universitetin nümayəndələri Qəbələ şəhər Təhsil şöbəsinin müdiri Yaşar Nəsirovla görüşdülər və Xəzər Universiteti haqqında ona və şöbənin digər əməkdaşlarına geniş məlumat verdilər. Təhsil şöbəsi müdirinin təklifi ilə Qəbələ şəhərinin ən böyük məktəbi olan 4 saylı İnternat məktəbinin şagirdləri və müəllimləri ilə görüş oldu. Sonra isə Qəbələ şəhərinin ən böyük hazırlıq kursu olan Qəbələ hazırlıq kurslarının çoxsaylı şagirdləri və müəllimləri ilə görüş oldu. Görüş zamanı onlara Xəzər Universiteti haqqında geniş məlumat verildi.

Günortadan sonra İsmayıllı şəhərində yerləşən Niyal Hazırlıq Kurslarının rəhbəri Həsən Kərimovla görüş oldu. Kursun rəhbərinə Xəzər Universiteti haqqında məlumat verildi və materiallar çatdırıldı.

Martın 3-də səhər tezdən Şamaxı şəhərində yerləşən Texniki, təbiət və humanitar elmlər liseyinin şagirdləri və müəllimləri ilə görüş oldu. Həmin gün Şamaxı hazırlıq kurslarında 11-ci sinif şagirdləri və kursun rəhbəri Taleh Mənsimovla görüş oldu. Görüş zamanı orada təhsil alan şagirdlərin Xəzər Universitetinə ekskursiyalarının təşkili, universitet rəhbərliyi ilə görüşlərinin keçirilməsi qərara alındı.

Bakıya geri dönərkən Xəzər Universiteti adından Qobustan rayonun ərazisində yerləşən Türk Şəhidinin abidəsi ziyarət edildi.