2018-ci fevralın 23-də Sumqayıt “Dünya” məktəbində orada təhsil alan şagirdlərin valideynləri və müəllimləri ilə genişləndirilmiş toplantı keçirildi. Öncə “Dünya” məktəbi haqqında çəkilmiş film nümayiş etdirildi. Filmin nümayişindən sonra Xəzər Universitetinin İctimai əlaqələr və media üzrə direktoru, təsisçinin Sumqayıt “Dünya” məktəbi üzrə nümayəndəsi Əlövsət Əmirbəyli çıxış etdi. O, Sumqayıt “Dünya” məktəbi, orada tədris edilən fənlər və gələcəkdə görüləcək işlər haqqında geniş məlumat verdi.
Sonda valideynlərin çoxsaylı suallarını cavablandırdı.