2018-ci il fevralın 21-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı Bank VTB (Azərbaycan)-ın İdarə Heyətinin sədri Yevgeni Anatolyeviç Kirinlə işgüzar görüş keçirdi. Görüşdə universitetin baş mühasibi Emin Bəylərov və Bank VTB (Azərbaycan) “Neftçilər” filialının müdiri Elşən Nizamov da iştirak edirdilər.

Görüş zamanı H.İsaxanlı universitetin yaranma tarixi, əldə etdiyi nailiyyətlər, tədris prosessi, elmi-texniki bazası, beynalxalq əməkdaşlığı və beynəlxalq universitetlər reytinqdə olan vəziyyəti barədə qonağa geniş məlumatlar verdi. Hamlet İsaxanlı universitetin Bank VTB (Azərbaycan)-la işgüzar əlaqələrinə diqqət yetirərək, onların daha da genişləndirilməsinin, yeni layihələrdə əməkdaşlıq üçün zəmin yaradılmasının vacibliyini bildirdi.

Bank VTB (Azərbaycan)-ın İdarə Heyətinin sədri Yevgeni Anatolyeviç Kirin görüşdən məmnunluğunu bildirərək, universitetlə işgüzar əlaqələrin genişləndirilməsini və əməkdaşlığının daha da yüksək səviyyəyə qaldırılmasını bildirdi.