2018-ci il fevralın 22-də Xəzər Universiteti Karyera Mərkəzinin təşəbbüsü ilə “Huawei” şirkəti ilə görüş keçirildi. Şirkətin Şəbəkə texnologiyası departamentinin direktoru Eldəniz Hüseynov öz çıxışında şirkətin qısa tarixi, daxili strukturu, missiyası və hazırkı mövqeyi ilə bağlı ətraflı məlumat verdi.
Daha sonra isə şirkətin İnsan Resursları meneceri İradə Rəsulova öz çıxışında tələbələri təcrübə və işə qəbul prosesi ilə bağlı məlumatlandırdı.
Yekunda tələbələrin sualları cavablandırıldı və mövcud vakansiyalarla bağlı ümumi formada məlumat bildirildi.
Qeyd edək ki, 2014-cü ilin sonuna doğru, “Huawei” məhsulları və xidmətləri 170-dən artıq ölkədə istifadə olunaraq, dünya əhalisinin üçdə birinə xidmət edir. İnformasiya və kommunikasiya texnologiyaları (İKT) sahəsində 20 ildən çox zəngin biznes təcrübəsinə malik olan və geniş qlobal biznes əməliyyatları və partnyorları olan iri qlobal şəbəkə olan “Huawei” Consumer BG ən son texnologiyaları istehlakçılara çatdırmaq, geniş imkanlar təklif etmək, unikal təcrübələr yaratmaq və hər yerdə insanların arzularını reallaşdırmaq missiyasını daşıyır.