2018-ci il fevralın 20-də Xəzər Universiteti İnkişaf Mərkəzinin direktoru Raziyə İsayeva Şotlandiya Keyfiyyətin Təminatı Tələbə Tərəfdaşlığının (sparqs) Şotlandiyanın Dandi Universitetində təşkil etdiyi Akademik Nümayəndəliklər Koordinatorlarının görüşündə iştirak etdi. O, ERASMUS+ tərəfindən dəstəklənən beynəlxalq kredit mobilliyi proqramında iştirakının nəticəsi olaraq, Britaniyanın Middlesex Universitetində son 5 ayda apardığı araşdırmaları və tapıntılarını təqdim etdi. Təqdimat ali təhsildə olan nöqsanları əhatə edirdi və tələbə cəlbinin Azərbaycanda universitet idarəçiliyini necə yaxşılaşdıra biləcəyi haqqında idi. O, həmçinin, təqdidat planını və metodologiyasını, məqsədini, ideyasını və araşdırmasında arxalandığı məntiqi təqdim etdi.

Sparqs Şotlandiya universitetlərində tələbələrin özləri üçün keyfiyyətli təhsil təcrübəsi əldə edə biləcəyi və həmçinin, başqalarına eyni şeyə nail olmaqda köməklik göstərə biləcəyi mühiti təbliğ edən bir xeyriyyə təşkilatıdır. Sparqs təlimlər, seminarlar, görüşlərin təşkili və sparqs tərəfindən hazırlanan resurslara çıxışı təmin etməklə, tələbələr, institutlar və ümumilikdə, təhsil sektorunu dəstəkləyir.